Beint í efni

Náttúra. Vísindi. Virkni. 

Við fögnum bæði vísindum og náttúru. Líftækni í snyrtivöruiðnaði er byltingarkennd nálgun þar sem plöntuafurðir eru nýttar til að framleiða húð- og snyrtivörur. Við hjá BIOEFFECT notum líftækni til að framleiða EGF og aðra vaxtarþætti úr byggplöntum.

Ísland er land öfganna. Ögrandi aðstæður hafa gert Íslendinga bæði þrautseiga og sveigjanlega. Lítil birta, harðir vetur og mikilfenglegt landslagið gera það að verkum að ræktunaraðstæður eru afar krefjandi. Sem betur fer búum við Íslendingar einnig við mikla jarðvarmaorku sem gerir okkur kleift að rækta plöntur allan ársins hring í sjálfbærum gróðurhúsum knúnum með jarðhita.

Hátæknigróðurhús BIOEFFECT er staðsett á hraunbreiðum Reykjanesskaga. Þar ræktum við nær 130.000 byggplöntur í vikri, hraðstorknaðri gosmöl úr eldstöðinni Heklu. Plönturnar eru vökvaðar með hreinu íslensku vatni og nauðsynlegum næringarefnum. Með öflugri líftækni vinnum við svo EGF frumuvaka úr byggplöntunum.

Ísland er ríkt af hreinu vatni. Vatnið kemur beint úr grunnvatnslindum vítt og breitt um landið. Á vegferð sinni hefur það síast gegnum ævaforn hraunlög og hreinsast náttúrulega. Þetta ferli skilar einstaklega hreinu og mjúku vatni sem fer húðina mildum höndum og veldur síður þurrki eða ertingu. Þetta einstaka vatn notum við til að vökva byggplöntur í gróðurhúsinu okkar og sem innihaldsefni í vörurnar okkar.

Hreint íslenskt vatn og EGF frumuvaki úr byggplöntum eru sérkenni BIOEFFECT.

Hér getur þú skyggnst á bak við tjöldin í hátæknigróðurhúsi BIOEFFECT og séð hvernig lykilhráefnið okkar, EGF, verður til úr ræktuðu byggi.