Fagleg húðráðgjöf.
Í BIOEFFECT versluninni starfar sérþjálfað starfsfólk með mikla þekkingu og reynslu í húðráðgjöf. Við leggjum áherslu á að veita persónulega og framúrskarandi þjónustu. Þegar verslað er hjá okkur fylgir alltaf smá glaðningur að eigin vali ásamt því að við bjóðum reglulega upp á sérsniðna kaupauka sem fást eingöngu í versluninni.
Opnunartími verslunarinnar:
Mán - Fös: 11:00 - 18:00.
Lau: 12:00 - 17:00.
Sun: Lokað.
Opnunartímar á hátíðisdögum:
25. apríl - Sumardagurinn fyrsti: 12:00 - 17:00.
1. maí - LOKAÐ.
9. maí - Uppstigningardagur: 12:00 - 17:00.
20. maí - Annar í Hvítasunnu: 12:00 - 17:00.
Fáðu tíma í húðmælingu.
Kynntu þér ástand húðar þinnar með nýrri og byltingarkenndri þjónustu í húðmælingu. Aðeins í boði í verslun BIOEFFECT á Hafnartorgi; alla virka daga frá kl 12:00-17:00. Greitt er 4.900 kr. fyrir húðmælingu og upphæðin gildir upp í vöruúttekt í verslun BIOEFFECT.
Heillandi hönnun.
BIOEFFECT verslunin er í þríhyrndum enda hússins og einkennist af glæsilegum bogadregnum verslunarglugga – sem margir vilja meina að minni óneitanlega á „straujárnið“ fræga í New York.
Arkitektastofan Basalt hannaði verslunarrýmið í samstarfi við Sóleyju Þórisdóttur, yfirhönnuð BIOEFFECT og útkoman endurspeglar vörumerkið á áhrifaríkan hátt. Hönnuðirnir sóttu innblástur sinn í gróðurhús BIOEFFECT í Grindavík, til dæmis með því að nota gróðurhúsa-ylplast í innréttingar og lýsingu.
Annað einkenni verslunarinnar eru græn nælonsnæri sem eru tilvísun í byggplönturnar sem við ræktum og við framleiðslu á virka innihaldsefninu EGF. Strekktir þræðirnir minna á langar týtur sem teygja sig úr axi byggplöntunnar og flæða þeir um verslunina, frá veggjum yfir í borð og hillur og skapa skemmtilega þrívídd í rýminu.
Í miðri versluninni er þríhyrningslaga eining þar sem hægt er að skoða og prófa BIOEFFECT vörurnar. Þar má setjast niður, fá ráðgjöf og jafnvel húðmælingu. Samspil forms og lita gefur rýminu karakter og skapar skemmtilegt andrúmsloft.
Við erum afar stolt af því að geta boðið viðskiptavini okkar velkomna í glæsilega verslun þar sem sérfræðingar okkar eru alltaf til taks að veita ráðgjöf og upplýsingar um notkun BIOEFFECT.
Hlökkum til að taka á móti þér í BIOEFFECT Hafnartorgi.