Þegar við tölum um hreinleika er merkingin sem býr að baki margþætt. Hreinleiki er grunnstoð í allri okkar starfsemi: vörurnar okkar innihalda eins fá efni og mögulegt er. Vatnið sem við notum er upprunnið úr íslenskum náttúrulindum og hefur síast og hreinsast í gegnum jarðlög á leið sinni til yfirborðs. Hátæknigróðurhúsið okkar er knúið orku frá endurnýjanlegum auðlindum.
ÍSLENSKT VATN — TÆR HÚÐVARA
Við notum hreint íslenskt vatn, sem hefur síast í gegnum aldagömul hraunlög, í allar okkar vörur. Þetta náttúrulega ferli skilar einstaklega hreinu og mjúku vatni sem fer húðina mildum höndum.
NÁTTÚRULEG AFURÐ — NÁTTÚRULEG HÚÐVARA
Vísindateymið okkar notar líftækni til að framleiða EGF úr byggi, sem er jafnframt það fyrsta í heiminum sem unnið er úr plöntum. EGF úr byggplöntum er náttúruleg og sjálfbær afurð frá vistvæna gróðurhúsinu okkar á Reykjanesi.
FÁ INNIHALDSEFNI — ÓSPILLT HÚÐVARA
Vörurnar okkar innihalda eins fá efni og mögulegt er, og aðeins þau sem húðin þarf náttúrulega og raunverulega á að halda. Því eru allar vörur BIOEFFECT hreinar, öruggar og eiturefnalausar og henta öllum húðtegundum — meira að segja mjög viðkvæmri húð.
ENDURVINNA, ENDURNÝTA — VISTVÆN HÚÐVARA
Við erum sífellt að leita nýrra leiða til að finna sjálfbærari og vistvænni lausnir á allri okkar starfsemi. Nær allar okkar umbúðir eru endurvinnanlegar.
0% ALKÓHÓL - ILMEFNI - SÍLIKON — HREIN HÚÐVARA
Okkar markmið er að allar vörur BIOEFFECT henti öllum húðtegundum — meira að segja mjög viðkvæmri húð. Allar vörurnar okkar eru eiturefna-, lyktarefna-, þalat- og parabenalausar.