Beint í efni

Karfa

  • Tóm karfa.

Hreint og virkt EGF úr byggplöntum.

EGF er svokallaður vaxtaþáttur (e. Epidermal Growth Factor). Vaxtaþættir eru boðskiptaprótín sem fyrirfinnast náttúrulega í líkamanum og senda frumum skilaboð um að gera við eða endurnýja. Við lítum á EGF sem eins konar verkstjóra sem hefur samskipti við húðfrumurnar og segir þeim fyrir verkum.

EGF hefur áhrif á framleiðslu kollagens, elastíns og raka og gegnir því afar mikilvægu hlutverki við að halda húðinni heilbrigðri, þéttri og sléttri. Líkt og allir vita er húð barna þykk og þrýstin. Það er vegna þess að hún er afar rík af EGF vaxtaþáttum. Strax á þrítugsaldri dregur verulega úr magni EGF í húðinni og í kjölfarið fer að bera á sýnilegum öldrunarmerkjum — húðin verður slappari og fínar línur myndast.

Til að vinna gegn þessum áhrifum nýtti vísindateymið okkar öfluga líftækni til að framleiða EGF úr byggplöntum og nýta í húðvöruframleiðslu. BIOEFFECT EGF er jafnframt það fyrsta í heiminum sem er búið til úr plöntum. Áður var EGF gjarnan ræktað úr bakteríum, sem eykur hættu á eitrun, eða úr frumum manna og dýra. Slík framleiðsla er afar umdeild enda vekur hún bæði siðferðilegar og lagalegar spurningar. EGF úr byggplöntum er framleitt með bæði hreinum og öruggum aðferðum. BIOEFFECT EGF er því kjörið fyrir þá sem kjósa hreinar og áhrifaríkar húðvörur.

Fjölmargar rannsóknir hafa staðfest að notkun BIOEFFECT EGF í húðvörum hefur margvíslegan árangur sem felst meðal annars í auknum raka og meiri teygjanleika húðarinnar. Rannsóknir sýna enn fremur að EGF úr byggi dregur úr ásýnd fínna lína, eflir náttúrulega kollagenframleiðslu húðarinnar og heldur henni sléttri og heilbrigðri.