Hrein og náttúruleg.

Við notum hreint íslenskt vatn, sem síast hefur í gegnum aldagömul hraunlög, í vörulínuna okkar. Þetta náttúrulega hreinsunarferli skilar vatni sem er afar hreint; ómengað og óspillt svo ekki er þörf á bæta það með hreinsiefnum líkt og víða annars staðar í heiminum. Íslenskt vatn er mjúkt vatn sem merkir að það er efnasnautt og styrkur harðra steinefna á borð við kalsín og magnesíum er mjög lágur. Þetta hreina og mjúka vatn fer húðina afar mildum höndum og veldur síður þurrki eða ertingu. Þetta er vatnið sem við notum til að vökva byggplönturnar í gróðurhúsinu okkar og sem innihaldsefni í húðvörurnar okkar til að tryggja að formúlurnar séu eins hreinar og kostur er á.

Vísindateymið okkar þróaði aðferð til að ferja EGF prótín yfir í fræ byggplöntu og fá hana þannig til að búa til eftirgerð vaxtarþáttarins. Þannig tókst að framleiða EGF í byggi með hreinum og öruggum aðferðum plöntulíftækni. EGF úr byggplöntum er náttúruleg og sjálfbær afurð frá vistvæna gróðurhúsinu okkar á Reykjanesi.

Smelltu hér til að lesa meira um vistvæna hátæknigróðurhúsið okkar.

Vörurnar okkar innihalda eins fá efni og mögulegt er – og aðeins þau sem húðin þarf náttúrulega og raunverulega á að halda. Við notum aðeins 7 til 23 hrein og virk efni í hverja vöru. Allar vörur BIOEFFECT eru því hreinar, öruggar og eiturefnalausar og henta öllum húðtegundum – meira að segja mjög viðkvæmri húð.

Við erum sífellt að leita nýrra leiða til að finna sjálfbærari og vistvænni lausnir í allri okkar starfsemi. Nær allar okkar umbúðir eru endurvinnanlegar.

Okkar markmið er að allar vörur BIOEFFECT henti öllum húðtegundum – meira að segja mjög viðkvæmri húð. Allar vörurnar okkar eru eiturefna-, lyktarefna-, þalat- og parabenalausar.