Beint í efni

Karfa

  • Tóm karfa.

EGF Power Cream

EGF Power Cream er nýtt og byltingarkennt andlitskrem. Það er bæði kraftmikið og djúpvirkandi, vinnur á fínum línum, jafnar lit og áferð og eykur þéttleika húðarinnar. EGF Power Cream inniheldur úrval virkra og sérvalinna efna úr plönturíkinu. Það inniheldur meðal annars lykilhráefnið okkar, EGF, auk betaglúkans sem við framleiðum á sjálfbæran hátt úr byggplöntum.
21.900 kr.

Eiginleikar og áhrif

Einstök efnaformúla og nýtt afl í baráttunni gegn sjáanlegum öldrunarmerkjum

Þetta kraftmikla andlitskrem er bæði nærandi og árangursríkt. Það inniheldur úrval virkra og náttúrulegra efna sem vinna saman gegn fínum línum, auka ljóma og jafna áferð. EGF Power Cream er sérhannað til að vinna gegn þeim sjáanlegu breytingum sem verða á húðinni með aldrinum.

EGF Power Cream er afurð áralangrar rannsókna- og þróunarvinnu. Niðurstaðan er einstök efnaformúla þar sem EGF-ið okkar, sem við framleiðum úr byggi, gegnir lykilhlutverki. Við notuðum einnig áhrifarík efni á borð við betaglúkan úr byggi, níasínamíð og órídónín, sem er algjört undraefni fyrir húðina. Í sameiningu styðja og efla þessi einstöku efni náttúrulegt endurnýjunarferli húðarinnar.

Þetta kraftmikla krem er nýtt afl sem er sérhannað til að vinna gegn sjáanlegum öldrunarmerkjum. Árangurinn leynir sér ekki — EGF Power Cream jafnar húðlit, minnkar ásýnd fínna lína, þéttir og sléttir húðina og eykur bæði raka og ljóma.

  • Dregur úr ásýnd fínna lína og hrukka.
  • Þéttir húðina, húðin virðist stinnari.
  • Jafnar áferð og dregur úr litabreytingum.
  • Sléttir húðina og jafnar húðlit.
  • Dregur úr ásýnd svitahola.
  • Hentar öllum húðgerðum, þó sérstaklega eldri húð og þurri húð.
  • Aðeins 23 innihaldsefni.
  • Án olíu, ilmefna, alkóhóls, parabena og glútens.
  • Ofnæmisprófað.

Stærð: 50 ml

Lykilinnihaldsefni

EGF — Rakabindandi og endurnærandi boðskiptaprótín sem fyrirfinnst náttúrulega í húðinni. Með aldrinum dregur úr magni EGF og í kjölfarið fer að bera á sjáanlegum öldrunarmerkjum. Vísindateymið okkar fann upp aðferð til að vinna EGF úr byggplöntum og nýta í húðvöruframleiðslu. BIOEFFECT EGF er það fyrsta í heiminum sem er framleitt úr plöntum. EGF úr byggi örvar náttúrulega kollagenframleiðslu og viðheldur sléttri og heilbrigðri ásýnd húðarinnar.

Betaglúkan úr byggi — Betaglúkan róar og nærir húðina og styrkir varnir hennar. Það viðheldur raka, vinnur gegn hrukkumyndun og verndar húðina fyrir skaðlegum geislum. Rannsóknir hafa auk þess sýnt að betaglúkan sem framleitt er úr byggi getur myndað allt að þrisvar sinnum öflugri andoxunarvörn en betaglúkan sem framleitt er úr höfrum.

Órídónín — Nýtt og árangursríkt efni í húðvöruframleiðslu. Órídónín er unnið úr jurtaþykkni og er þekkt fyrir græðandi eiginleika. Það vinnur auk þess gegn skaðlegum áhrifum sindurefna sem eru talin stuðla að sýnilegum merkjum öldrunar. Líkt og EGF úr byggi getur órídónín tengst húðfrumum og sent þeim skilaboð. Í sameiningu vinna þessi öflugu efni gegn fínum línum og slappri húð.

Níasínamíð — Einnig þekkt sem B3 vítamín. Bætir áferð, jafnar húðlit og eykur ljóma auk þess að lágmarka ásýnd fínna lína.

Hýalúronsýra — Efni sem fyrirfinnst náttúrulega í húðinni. Hýalúronsýra gegnir mikilvægu hlutverki við að draga til sín og viðhalda raka auk þess að þétta og jafna húðina.

Íslenskt vatn — Við notum hreint, íslenskt vatn, sem hefur síast í gegnum aldagömul hraunlög, í allar okkar vörur. Fyrir vikið eru ertandi steinefni á borð við kalk og magnesíum í algjöru lágmarki.

Squalane — Endurnærandi og rakagefandi andoxunarefni. Það vinnur hér með fitusýrunum í kvöldvorrósarolíu og sheasmjöri. Saman stuðla efnin að næringu og raka og mýkja húðina án þess að skilja eftir klístrað lag á yfirborði hennar, sem er sérstaklega hentugt fyri eldri húð eða þurra húð.

Innihaldsefni:

Water (Aqua), Butyrospermum Parkii (Shea) Butter, C12-20 Acid Peg-8 Ester, Butylene Glycol, Oneothera Biennis (Evening Primrose) Oil, Cetyl Alcohol, Squalane, Sorbitol, Hydrogenated Polyisobutene, Niacinamide, Tocopherol, Sodium Hyaluronate, Beta Glucan, Oridonin, Phenoxyethanol, Sorbitan Oleate, Carbomer, Xanthan Gum, Ethylhexylglycerin, Polysorbate 20, Potassium Hydroxide, Barley (Hordeum Vulgare) Seed Extract, Egf (Barley Sh-oligopeptide-1)

Fullkomnaðu húðumhirðuna

Vísindaleg virknirannsókn á vegum BIOEFFECT, þar sem 50 þátttakendur notuðu EGF Power Cream tvisvar á dag og Visia Skin Analysis kerfið var notað til að mæla árangurinn, sýndi:

  • Allt að 53%Dregur úr ásýnd fínna lína og hrukka um allt að 53% 
  • Allt að 36%Dregur úr litabreytingum um allt að 36% 
  • Allt að 60%Eykur þéttleika húðar um allt að 60%
  • Allt að 58%Eykur teygjanleika húðar um allt að 58%
  • Allt að 56%Dregur úr ásýnd svitahola um allt að 56%
FyrirEftir 90 daga

Fullkomnaðu húðumhirðuna

EGF úr byggi hefur mesta virkni í röku umhverfi. Til að tryggja hámarksárangur mælum við með að varan sé notuð samhliða öðrum BIOEFFECT vörum.

Passar vel með:

  • EGF Essence: Einstakt andlitsvatn sem eykur raka, undirbýr húðina fyrir BIOEFFECT EGF vörur og eykur þannig virkni þeirra.
  • EGF Serum: Hið árangursríka og margverðlaunaða EGF Serum inniheldur aðeins 7 hrein efni.

Hreinar húðvörur

Notkun

Berið á andlit, háls og bringu bæði kvölds og morgna. Nuddið mjúklega inn í húðina með hringhreyfingum. Bíðið í 3-5 mínútur áður en aðrar vörur á borð við sólarvörn eða farða eru settar á húðina. EGF Power Cream má nota eitt og sér eða samhliða serumum frá BIOEFFECT.

EGF úr byggi hefur mesta virkni í röku umhverfi. Til að tryggja hámarksárangur mælum við með að varan sé notuð reglulega ásamt öðrum BIOEFFECT vörum.

Passar vel með