Loreen – orka, umbreyting og árangur
Sem heimsþekkt stórstjarna hefur Loreen heillað áhorfendur um allan heim með listrænum hæfileikum sínum, kraftmiklum flutningi og útgeislun. Flestir þekkja til hennar sem tvöfaldan sigurvegara Eurovision, en hún sigraði keppnina með lögunum Euphoria árið 2012 og Tattoo árið 2023 – tveimur af vinsælustu sigurlögum í sögu keppninnar.
„Loreen endurspeglar kraftinn og ástríðuna sem liggur að baki BIOEFFECT, þar sem sköpun hennar snýst um orku, umbreytingu og aga – rétt eins og vísindaleg nálgun BIOEFFECT,“ segir Liv Bergþórsdóttir, forstjóri BIOEFFECT, um samstarfið.
Samstarfið er ekki tilkomið af einskærri tilviljun. Loreen kynntist BIOEFFECT í gegnum íslenska förðunarfræðinginn Ísak Helgason, einn þekktasta förðunarfræðing landsins, sem hefur um nokkurt skeið starfað náið með Loreen. Ísak hefur jafnframt unnið töluvert með BIOEFFECT í gegnum árin og á þannig stóran þátt í að tengja okkur og Loreen saman.
„Loreen hefur sjálf lýst því hversu mikinn mun hún fann á húðinni eftir að hún hóf að nota BIOEFFECT húðvörurnar. Það skiptir okkur miklu máli að vinna með einstaklingi sem þekkir vörurnar af eigin raun, notar þær, elskar þær og hefur upplifað árangurinn sem þær skila. Þessi tenging, ásamt krafti og persónutöfrum Loreen, gera hana að hinu fullkomna andliti EGF Power vörulínunnar,“ segir Liv.
Herferðin – myndefni tekið í íslenskri náttúru
Herferðin var ljósmynduð af Ara Magg við Fjallsárlón, í krefjandi veðurskilyrðum sem urðu óaðskiljanlegur hluti af frásögninni. Myndirnar fanga styrk og krafta náttúrunnar og endurspegla djúp tengsl BIOEFFECT við óspillta íslenska náttúru.
Innblásturinn að samstarfinu á rætur sínar í kröftugum íslenskum náttúruöflum. Regn, jöklar og vindar fléttast saman og skapa séríslenskt yfirbragð sem fangar orku, þrautseigju og kraft – einkenni sem sameina bæði BIOEFFECT og Loreen.
„Við erum gríðarlega stolt af samstarfinu við Loreen og fagmennsku allra þeirra sem kom að því að vinna herferðina með okkur. Loreen hefur einstaka sögu að segja um umbreytingu húðar sinnar eftir að hún byrjaði að nota vörurnar okkar og við hlökkum til að segja betur frá þeirri vegferð samhliða því að herferðin rúllar út á næstu vikum,“ bætir Liv við.
EGF Power vörulínan:
EGF Power línan er hönnuð fyrir húð sem þarf meira – hvort sem um er að ræða merki um öldrun, álag, þurrk eða skort á þéttleika. Vörulínan samanstendur af EGF Power Serum, EGF Power Cream, EGF Power Eye Cream og 30 Day Power Treatment.
EGF Power Serum
Kraftmikið serum sem er sérstaklega þróað til að vinna á sjáanlegum öldrunarmerkjum á borð við hrukkur, litamisfellur og þurrk. Serumið hjálpar til við að jafna húðlit og styrkja ysta varnarlag húðarinnar. EGF Power Serum er framsækin formúla aðeins 12 hreinna og virkra innihaldsefna, m.a. BIOEFFECT EGF, BIOEFFECT KGF, ásamt hýalúronsýru og NAG.
EGF Power Cream
Kraftmikið andlitskrem sem er sérhannað til að vinna gegn sjáanlegum öldrunarmerkjum á borð við hrukkur og fínar línur. Formúlan eykur þéttleika húðarinnar, jafnar húðlit og áferð og eykur jafnframt raka og ljóma.
EGF Power Eye Cream
Sérstaklega þróað til að veita sýnilegan árangur og draga úr ásýnd fínna lína, hrukka, bauga, þrota og þurrks á augnsvæðinu. Einstakt augnkrem sem veitir djúpan og langvarandi raka og þéttir og sléttir húðina í kringum augun.
30 Day Power Treatment
Kraftmikið 30 daga húðátak sem vinnur á áhrifaríkan hátt á sjáanlegum öldrunarmerkjum og þéttir og sléttir húðina. Umbreyttu ásýnd húðarinnar með þessari einstöku formúlu og orkuskoti, sem þéttir og sléttir húðina sjáanlega á aðeins 30 dögum.
