Hvers vegna bygg?
Helsta ástæðan fyrir því að byggplantan var valin til að hýsa EGF eru margvíslegir eiginleikar fræplöntunnar; bygg er sjálffrævandi og það þarf að rækta það sérstaklega til vaxtar. Byggplantan er lokað líffræðilegt og vistfræðilegt kerfi sem tryggir að hægt er að nýta hana til framleiðslu hreina og ómengaðra vaxtarþátta. Þessir eiginleikar gera bygg að afar stöðugum og öruggum valkosti til að hýsa einstöku vaxtarþættina, sem eru lykilhráefnið okkar.
Ræktað í vistvænu gróðurhúsi á Íslandi.
Einstöku byggplönturnar sem hýsa vaxtarþættina eru ræktaðar í vistvænu hátæknigróðurhúsi á Íslandi. Gróðurhúsið er staðsett á hraunbreiðum Reykjanesskagans í grennd við Grindavík. UNESCO útnefndi svæðið sem svokallaðan „Global Geopark“, þ.e. jarðminjasvæði sem er jarðfræðilega mikilvægt á heimsvísu.
Byggplönturnar eru ræktaðar í vikri, hraðstorknaðri gosmöl úr eldstöðinni Heklu. Með því að nota vikur í stað moldar lágmörkum við möguleikann á hvers kyns mengun. Í gróðurhúsinu er svokallað vatnsræktarkerfi (e. hydroponic system). Plönturnar eru vökvaðar með hreinu íslensku vatni – tæru grunnvatni sem hefur síast í gegnum jarðlögin á leið sinni til yfirborðs – auk nauðsynlegra næringarefna.
Á Íslandi er meiri hluti rafmagns framleiddur með svæðisbundnum og endurnýjanlegum orkugjöfum, einkum vatnsafli og jarðvarma. Þetta gerir okkur kleift að nýta svokallaða græna, sjálfbæra orku í framleiðsluferlinu. Gróðurhúsið okkar er að sjálfsögðu knúið jarðhita og raforku frá nærliggjandi náttúruauðlindum.
Uppspretta vítamína, prótína og virkra efna.
Við kappkostum að besta alla þætti framleiðslunnar okkar með sjálfbærni að leiðarljósi. Þess vegna leggjum við áherslu á að fullnýta byggplönturnar okkar. Við hámörkum magn vaxtarþáttanna sem við getum framleitt úr hverri plöntu auk þess að vinna einstök prótín, vítamín og önnur virk efni úr byggplöntunni sjálfri.
Vökvað með hreinu, íslensku vatni.
Við leggjum okkur fram um að nýta íslenskar náttúruauðlindir á ábyrgan hátt. Þess vegna notum við hreint, íslenskt vatn í framleiðsluna okkar. Ísland er afar ríkt af hreinu vatni sem kemur úr grunnvatnslindum vítt og breitt um landið. Það hefur síast í gegnum aldagömul hraunlög á leið sinni til yfirborðs. Þetta náttúrulega hreinsunarferli skilar vatni sem er afar hreint; ómengað og óspillt svo ekki er þörf á bæta það með hreinsiefnum líkt og víða annars staðar í heiminum. Íslenskt vatn er mjúkt vatn sem merkir að það er efnasnautt og styrkur harðra steinefna á borð við kalsín og magnesíum er mjög lágur. Þetta hreina og mjúka vatn fer húðina afar mildum höndum og veldur síður þurrki eða ertingu. Þetta er vatnið sem við notum til að vökva byggplönturnar í gróðurhúsinu okkar og sem innihaldsefni í húðvörurnar okkar til að tryggja eins hreinar formúlur og kostur er á.
